- 510 -

O. J. Aug. 2. Ottmachau.

Wenczlaw von gotes gnaden bysschoff zu Breslaw, herczog vnd herre zu Lignicz. Getruwen lieben. Ir wissit wol, wie ir von vns vnd den vnsern gescheiden seyt als vmb dy beczalunge, die ir nv thuen sullit zu Glacz, doroff wundirt vns ser, das ir bisdoher keyne botschaft geton habt off welche czeit ir komen weidet, daz wir dem Sallamoni vorschreben hetten, das her off eyne solche czeit qweme mit den seynen vnd nicht schire vnd besorgen vns, das her icht yczund komen sey vnd das icht schaden von dem vorczinis kome, dovon zo denket doron in der mosse alz ir von vns vnd von den vnsern seyt gescheiden, das daz, volfuret werde, dornoch alz is zu Glacz nehst bereth ist vnd bewaret vns vnd euch vor schaden, geben zu Othmuchow in der nacht sente Stephans.

Rückaufschrift: Dem strengen ritter hern Heinczen von Alczenaw, hewptmann vnd den erb. vnd weisen.. rathmannen zu Legnicz vnsern lieben getruwen.

Orig. Kgl. Bibl. z. Berl. Ms. Boruss. fol. 567. No. 43.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866